Woh Sue Lalazaar Phirtay hain

[Ahmed_]

 

 

I need Urdu script of the Naat ' Woh Sue Lalazaar Phirtay Hain'. Can someone please share?

 

<h3 class="r">http://www.videospider.tv/Videos/Detail/116802190.aspx

</h3>

[Hanafi Muslima]

 

 

[Ahmed_]

JazakAllah, I really needed that. Below is the transliteration of the Naat. Also if you go to the link provided (below) there is a translation available in English.

 

woh su’ey laalah zaar phirtey haiN

tere din ay bahaar phirtey haiN

 

jo terey dar se yaar phirtey haiN

dar ba dar yuN hi khaar phirtey haiN

 

aah kal `aysh to kiye hum ne

aaj woh be qaraar phirtey haiN

 

un ke eemaa sey donoN baagoN par

khayl e layl o nahaar phirtey haiN

 

har charaaghe mazaar par qudsee

kaysa parwaanah waar phirtey haiN

 

us gali kaa gadaa huN maiN jis meiN

maangtey taajdaar phirtey haiN

 

jaan haiN jaan kyaa nazar aaye

kyuN `adu gird e ghaar phirtey haiN

 

phuul kyaa dekhuN meri aankhoN meiN

dasht e taybah ke khaar phirtey haiN

 

laakhoN qudsi haiN kaam e khidmat par

laakhoN gird e mazaar phirtey haiN

 

wardiyaN boltey haiN har kaarey

pahra detey sawaar phirtey haiN

 

rakhiye jaise haiN khaana zaad haiN hum

mol ke `ayb daar phirtey haiN

 

haay ghaafil woh kyaa jagaah hai jahaaN

paanch jaatey haiN chaar phirtey haiN

 

bayeN rastey na jaa musaafir sun

maal ke raah maar phirtey haiN

 

jaag sun saan ban hai raat aayee

gurg bahr e shikaar phirtey haiN

 

nafs ye koyi chaal hai zaalim

jayse khaaSey bijaar phirtey haiN

 

koyi kyuN puuche teri baat razaa

tujh se shaydaa hazaar phirtey haiN

 

http://www.sunniport.com/masabih/showthread.php?t=1057

[Hanafi Muslima]

 

 

 

JazakAllah brother.....