Naat-e-Rasool-e-maqbool Sallahu Alihi Wasalam

[Karam Ho Ya Rasool Allah]

DUE-E-MADINA

 

Ya Rab-e-Muhammad meri taqdeer jiga day

Sahrae Madina mujhe aankhoon se dikha day

 

Peecha mera duniya ki mohabat se chora day

Ya Rab mujhe diwana Madine ka bana day

 

Rota howa jis dam mein Dar-e-Yaar pe pohonchoon

Us waqt mujhe Jalwae Mehboob dikha day

 

Dil ishq-e-Muhammad mein tarapta rahe her dam

Seenay ko Madina meray Allah bana day

 

Bahte rahe her waqt jo Sarkaar k gham mein

Rote howi wo Aankh mujhe mairay Khuda day

 

Imaan pe day mout Madine ki gali mein

Madfan mera Mehboob kay Qadmoon mein bana day

 

Ho bahre Raza Karam sowe Gunahgaar

Jannat mein paroosi mujhe Aaqa ka bana de

 

Daita hoon Tujhe wasita mein piyaare Nabi ka

Omat ko Khudaya Sunnat pe chala de

 

ATTAR say Mehboob ki Sunnat ki lay khidmat

Danka ye Tairay Deen ka duniya mein baja day

 

Allah! milay Hajj ki isi saal sa'adat

ATTAR ko phir Roza-e-Mehboob dikha day

[Karam Ho Ya Rasool Allah]

 

SABZ GUMBAD KAY SAE MEIN GHAR CHAHEYE

 

Mujh ko duniya ki dolat na zar chaheye

Shahe Kauser ki meethi Nazar chaheye

 

Haath othte hi bar aae her mod aa

Wo duaaon mein Moula Asar chaheye

 

Aashikaane Nabi kay dil ki hai sadaa

Sabz Gumbad kay Sae mein ghar chaheye

 

Zouq barhata rahe Ask bahte rahein

Muztarib qalb or chasham chaheye

 

Raat din ishq mein Teray tarapta rahon

Ya Nabi ! Aaisa sooze jigar chaheye

 

Ya Khuda! jism se jaan jab hi juda

Jalwa-e-Yaar peshe nazar chaheye

 

Bas Madine mein do ghaz zameen dejeye

Aur kuch na shahe Bahro Bar chaheye

 

Ham ghareeboon ko Roze per bola loo

Rahe Taiba ka zaade safar chaheye

 

Apne ATTAR per ho Karam bar bar

Izan Taiba ka bare digar chaheye

[Karam Ho Ya Rasool Allah]

 

 

 

KUCH OR BAAT HOTI

 

Mein jo youn Madine jata to kuch or baat hoti

Kabhi lout kar na aata to kuch or baat hoti

 

Mein Madine to giyaa tha bara sharaf tha laikin

Wahein dam jo toot jata to kuch or baat hoti

 

Gham rozgaar mein to mairay ashak bah rahe hein

Tera gham agar rolata to kuch or baat hoti

 

Na fazool kaash! hanstaa Tere Yaad mein tarapta

Mujhe chain hi naa aata to kuch or baat hoti

 

Yahi Aaah! fikere duniyaa mera dil jala rahe hai

Ghame hijer ghr satata to kuch or baat hoti

 

Yahan qaber mein yaqeenen Teri Deed mujh ko ho ge

Jo Baq'qe mein qaber pata to kuch or baat hoti

 

Bazbane zaireen tomein Salaam baijtaa hoon

Kabhi khod Salaam Lata to kuch or baat hoti

 

Aare zaere Madina! tu khoshi se hansh raha hai

Dil ghamzada jo lata to kuch or baat hoti

 

Meri aankh jhab bhe kholti, Teri Rehmatoon se Aaqa

Tujhe samane hi pata to kuch or baat hoti

 

Kyoun Madina chore aya Tujhe kya tha ATTAR ?

Wohein ghar agar basata to kuch or baat hoti

[Karam Ho Ya Rasool Allah]

MUJHE BULALO SHAHE MADINA

 

Mujhe bolalo Shahe Madina ye Hijr ka gham sata raha hai

Mein Dar pe aaon yahi to armaan dil mein tofaan macha raha hai

 

Hai sahna doshwaar ye jodai meri ho Dar tak Shaha Rasai

Nahi bharosa hai zindagi ka ye dil mera dooba jaa raha hai Nahi

 

tamana-e- maalo dolat nahi mujhe khuwaish haqoomat

Meri nazar meinhaseeno dil qash wo Sabz Gumbad sama raha hai

 

Yahi to hasrat rahi hai dil mein mujhe ajal bhe wohi per aae

Jahan pe Aaqa hai piyaara Roza yahi to Aarman sada raha hai

 

Hai jholi khali Aay Shahe Aaali hai arz karta Tera sawali

Zalil mangta muradein lainay ko haath ghande barha raha hai

 

Ay benawao gadaoo pasare damen safeen banao

Khazana Rehmat ka banta wo Mehboob Aaa raha hai

 

Gadae darjaa balab hai Aaqa Niqaab Othao dikha do jalwa

Hoon tishnae Deed per Aanayat jahan se piyaasa hi jaa raha hai

 

Mein goore teeraa mein aa para hoon, firishte bhe aa choke hein sar per

Chale gae naaz othane wale Tera hi ab asara hai

 

Hai nafse nafse Chahar janib Nisaar jaon kaha ho Moula

Chopa lo Damen mein piyaare aa kar ye shoore mehshar dara raha hai

 

Khuda-e-Ghafaar bakhs de ab To laaj Mehboob rakh hi lay ab

Hamar GhamKhuwaar Fikre omat mein Aansoon baha raha hai

 

Saba jo paira ho Kowe Jaana to ghamzaada ka Salaam kahna

Ye Aarz karna Ghareeb ATTAR kab Madine ko aa Rraha hai

[Karam Ho Ya Rasool Allah]

 

QAFILA CHAL DIYAA MADINE KA

 

Izn mil jae ger Madine ka

Kaam ban jae ga kaminay ka

 

Jaa kay Un ko dikhaoon ga mein to

Zakham-e-dil aur dagh seene ka

 

Qalbe Ashiq dharak otha aik dham

Zikr jab chir gia Madine ka

 

Maire ankhoon se ashk jaari howe

Jab chala Qafila Madine ka

 

Us ki qismat per rashq ata hai

Jo musaafir howa Madine ka

 

Tujh pe Rehmat ho zaeere Taiba

Jaa, nigahbaan Khuda safeenay ka

 

Sab ko Aaqa bulaein gae ik din

Izn mil jae gaa Madine ka

 

Ho Ghame Mustafa ata Ya Illahi

Dard barhata rahe Madine ka

 

Naz'aa mein, qabr mein, qiyamaat mein

Tum hi rakhna bharam kaminay ka

 

Dour ranjo alam hoon duniya kay

Ham ko mil jae gham Madine ka

 

Ail mudat se dil mein armaan hai

Jaame Deedaar-e-Yaar peenay ka

 

Aapne ATTAR per ho Nazer-e-Karam

Sag bana lejeye Madine ka

[Karam Ho Ya Rasool Allah]

QISMAAT MERE CHAMKAEYE

 

Qismaat maire chamkaeye chamkaeye Aaqa

Mujh ko Dar-e-Pak pe bulawaeye Aaqa

 

Seene mein ho Kaaba to baase dil mein Madina

Aankhoon mein mere Aap samajaye Aaqa

 

Betaab hoon bechain hoon Deedaar ki khatir

Tarpaein naa Ab khawab mein Aaajaeye Aaqa

 

Her simt se aafaat-o-bilyaat ne ghayraa

Majboor ki imdaad ko ab aaye Aaqa

 

Sakraat ka alam hai Shaha ! dham hai laboon per

Tashreef sirhanein mairay ab laaye Aaqa

 

Wahshat hai andhaira hai mere qabr kay ander

Aaa kar zara roshan lse Farmaye Aaqa

 

Mujrin ko leye jate hein ab soe jahannum

Lillah! Shifa'at maire Farmaye Aaqa

 

ATTAR pe ho bahre Raza itni inaayat

Wiraana-e-dil aa kay basa jaye Aaq

[Karam Ho Ya Rasool Allah]

JIS WAQT TARAPTA HAI BIMAAR MADINE KA

 

Aaya hai bulawa phir ik baar Madine ka

Phir jaa kay mein daikhoon ga Darbaar Madine ka

 

Gulsan say haseen tar kohsaar Madine ka

Jannat say bhe barh kar hai gulzaar Madine ka

 

Mein phool ko chomoon ga or dhool ko choomon ga

Jis waqt karoon ka mein deedar Madine ka

 

Aankhoon say laga loon ga or dil mein basa loon ga

Seene mein otaaroon gaa mein Khaar Madine ka

 

Laaqi hai sir baalein Rehmat ki ada Un ko

Jis waqt tarapta hai bimaar Madine ka

 

Rote hein deewane betaab hein mastanay

Un sab ko dikha dejeye Darbaar-e-Madina

 

Rota hai jo raatoon ko omat ki mohabaat mein

Wo Shafeye Mehshar hai Sardaar Madine ka

 

Ratoon ko rota hai or khaq per soota hai

Gham Khuwaar hai, Saada hai Mukhtaar Madine ka

 

Qabze mein do Aalam hein per Haath ka taqeya hai

Sota hai chitai per Sardaar Madine ka

 

Dhok dard jahaan bhar kay sab dour Shaha kay

Mujhko to bana lejeye bimaar Madine ka

 

Is dar kay bhaikaari ki jhooli mein Do Aalam hein

Shahoon say bhe barh kar hai nadaar Madine ka

 

Maqbool jahan bhar mein ho DAWATEISLAMI

Doon wasita Ay Rabe Ghafaar Madine kaa

 

Taqdeer chamak othe qismaat hi to khol jae

Ban jae jo adna sag, ATTAR Madine ka

[Karam Ho Ya Rasool Allah]

AZAANE TAIBA MUJHE SARKAARE MADINA

DAY DO

 

Azaan-e-Taiba mujhe Sarkaare Madina day do

Lay chale jo mujh ko Taiba wo safeena day do

 

Yaade Taiba mein tarapne ka qarina day do

Chashame tar, sooze jhigar Shahe Madina day do

 

Chaar Yaroon(Radi Allah Anhuma) ka Tumhein wasitaa daita hoon

Aapna gham mujh ko Shahenshahe Madina day do

 

Sadqa Shahzadeye Qonain(Radi Allah Anha) ka Piyaare Aaqa !

Mujh ko day do mairay Sarkaar ! Madina day do

 

Waqte Aakhir hai chale jaan Rasool-e-Akram

Ik jhalak Ay Maire Sultan-e-Madina day do

 

Qasarate Maal ki Afat se bichaa kar Aaqa

Apne ATTAR ko Olfat ka hazeena day do

[Karam Ho Ya Rasool Allah]

SOZE BILAL(Radi Allah Anhu) MERI JHOOLI MEIN DAAL DO

 

Jaa ho Jalal dona hi maalo manal do

Soze Bilal meri jhooli mein daal do

 

Duniya kay sare gham mmairay dil se nikal do

Gham Apna Ya Nabi Bahre Bilal do

 

Hijro Firaak to mila do iztiraab bhi

BeTaab Qalb Azpae sooze Bilal do

 

Bahte rahe jo her ghari bas Yaad mein Shaha

Wo chasham-e-Ashkbaar pae Zol Jalaal do

 

Seena Madina ho mera dil bhe Madina ho

"Fikre Madina" do mujhe "Madni khiyaal" do

 

Her Aaan bas tassawure Taiba mein ghom rahoon

Aaisa boland Shahe Madina! Khiyaal do

 

Do dard Sunnatoon ka pae Shahe Karbala

Omat kay dil se Lazat-e-fashion nikaal do

 

Kholke azeem say mujhe hissa Aata karo!

Be jaa hansi ki haslat bad ko nikaal do

 

Zikaro Durood her ghari wirde zubaan aae

Meri fazool goi ki Aadat nikaal do

 

Dono jahan ki Aafatein sari moseebatein

Sadke mein mairay Ghose kay Sarkar! taal do

 

ATTAR ko bula kay Madine mein do Baq'qe

Do Phool(RadiAllah Anhuma) k tofail hoon poray sowaal do

[Karam Ho Ya Rasool Allah]

 

MUADAT SE MERE DIL MEIN HAI

 

Mudat se maire dil mein hai Armaane Madina

Roze pe Bula lejeye Sultaane Madina

 

Ay kaash pohonch kay Dar-e- Janane Madina

Ho jaon mein soo jaan se qurbaan-e-Madina

 

Aate hein muqadar kay sikander Tere Dar per

Bay izn ho kaise koi mehmaan-e-Madina

 

Aag aise laga dejeye qalb aur jhigar mein

Rota rahoon tarpa karoon Ay Jaan-e-Madina

 

Gulzaar yahan kay ise ache nahi lagte

Aankhoo mein samae hein Biyabaan-e-Madina

 

Ab sindh kay jungle mein mira jee hi nahi lagta

Bus mujh ko bulalejeye Gulistaan-e-Madina

 

Duniyaa kay nazaare hamein ik ankh na bhaein

Nazroo mein basein kash! Biyaaban-e-Madina

 

London koi japan chala maal kamane

Diwaana chala sowe Biyabaan-e-Madina

 

Jab khod hi qasam khai hai Quraan-e-Mubeen ne

Kis tarah biyaan koi kare Shaan-e-Madina

 

Duniyaa ka koi shaher ho kis tarah mumasil?

Jab Khlode bareen bhe nahi ham Shaan-e-Madina

 

kar dejeye Deedar say ankhein meri thandi

Ay Jaan-e-Jahan Sayede Sultaan-e-Madina

 

Ay kaash! mubaligh mein banoo Deen-e-Mubeen ka

Sarkaar! Karam Azpae Hassan-e-Madina(Radi Allah Anho)

 

Qadmoon mein bulalejeye ATTAR ko Aaqa

Aur is ko banalejeye mehmaan-e-Madina

 

ATTAR ko dolat na haqoomat ki talab hai

Daydejeye Baq'qe is ko to Sultaan-e-Madina

[Karam Ho Ya Rasool Allah]

SILSILA AAH! GUNAHOON KA BARHATA JAA RAHA HAI

 

Silsila Ah! gunahoon ka barhata jaa raha hai

Nit niya jurm her ik Aan howa jata hai

 

Qalb pather say bhe sakhtee mein, barha jata hai

Dil per ik khoul siyahi ka charhaa jata hai

 

Nafs-o-shaitaan ki her aan ita'at per dil

Aah! mail meray Allah! ho jata hai

 

Laoon wo ashk kahan se jo siyahi dhoein

Gandagi mein nera dil! had se barhata jaa raha hai

 

Aarzi afat-e-duniya say tou ghabrata hai

Ha'e! baykhouf azaaboon say howa jata hai

 

Ye tera jism jo bimaar hai tashweesh na kar

Ye marz teray gunahoon ko mitaa jata hai

 

Asal barbaad kun amraaz gunahoon kay hein

Bhai! kyoun is ko faramoosh kiya jata hai

 

Asal afat to hai naraazi Rab-e-Akbar

Is ko kyoun bhool kay barbaad howa jata hai

 

Al Madad ya Shahe Abrar Madine wale!

Qalb se khouf-e-Khuda dour howa jata hai

 

Aah! dolat ki hifaazat mein to sab hein koshaan

Hifze Imaan ka tasawur hi mita jata hai

 

Yad rakho! wohi bay aqal hai ahmak hai jo

Kasarate maal ki chahat mein mara jata hai

 

Apni olfat ka jaam mujhe pilaa do Saaqi

Qalb duniyaa ki mohaabat mein phansa jata hai

 

Imtihaan kay kahan qabil hoon mere piyaare Allah

Bay sabab bakhs day Moula! Tera kya jata hai

 

Aah! jati nahi hai adate ya wah gooni

Waqt-e-anmool youn barbaad howa jata hai

 

Aah! ansoon gham-e-duniya mein bahe jate hein

Dil bhe duniya kay ghamoon hi mein jala jata hai

 

Apna gham aisa ATTAR kar keh kalaija phat jae

Daikh kay sab kahein diwaana chala jata hai

 

Walwala Sunnat-e-Mehboob ka day day Maalik

Aah! fashion pay musalmaan mara jata hai

 

Teray diwaane isi aas pay zinda hein Shaha

Jaane kab izen Madine ka diya jata hai

 

Aakhari waqt hai Aajaa mere Madni aa jaa

Aah! mujrim Tera duniya say Shaha jata hai

 

Jalwa-e-Pak dikhaa jaa mere Madni aa jaa

Aah! mujrim Tra duniyaa se Shaha jata hai

 

Mujh ko ab Kalima Parha jaa meray Madni aa jaa

Aah! mujrim Tra duniyaa se Shaha jata hai

 

Mujh ko Seene say laga jaa mere Madni aa jaa

Aah! mujrim Tera duniyaa se Shaha jata hai

 

Meray isiyaan ko mitaa jaa meray Madni Aaa jaa

Aah! mujrim Tra duniyaa se Shaha jata hai

 

Meray Aaqa! sar-e-mehshar mera pardaa rakhna

Raaz aaiboon ka meray faash howa jata hai

 

Aao ab bahre Shifa'at mere Shafee! Aao

Aah! badqaar azaaboon mein giraa jata hai

 

Muskaara kar meri Sarkaar mujhe kah doo naa!

Aaa Tujhe Daaman-e-Rehmat mein liya jata hai

 

Kaash! ATTAR say farmaein qiyamaat mein Huzoor

Lay Mubarak! keh tujhe Bakhsh diyaa jata hai.

[Karam Ho Ya Rasool Allah]

HAMARA MADINA

 

Madina Madina hamara Madina

Hamein Jano dil se hai oiyaara Madina

 

Sohana sohana dil aara Madina

Her ashiq ki ankhoon ka taara Madina

 

Sabhi Asiqe Mustafa kah rahe hein

Hamein to hai Jaanat se piyaara Madina

 

Ye rangeen fazaein ye mahki hawaein

Mo'atar mo'anber hai sara Madina

 

Madine kay Jalwoon kay qurbaan jaon

Hai Qudrat ne kaisa sanwara Madina

 

Paharoon mein bhe husn kantein bhe dilqash

Baharoon ne kaisa nikharaa Madina

 

Wahan Piyaara Kaaba yahan Sabz Gumbad

Wo Makkah bhe meetha to Piyaara Madina

 

Bulalejeye ab to Qadmoon mein Aaqa

Dikha dejeye ab to piyaara Madina

 

Phiroon gird Kaaba piyoon Aabe Zam Zam

Mein phir aa kay dekhoon Tumhara Madina

 

Masaib howe dour saare jahaan kay

Giyaa jab koi gham ka maara Madina

 

Hai shaho gada muflis-o-aghniyaa ka

Bila raib sab ka guzaara Madina

 

Ye diwaane Aaqa ! Madine ko aaein

Bolalo inhein ab Khudara Madina

 

Khuda gar qiyamat mein Farmae Mangoo!

Ligaein gay diwaane Naara "Madina"

 

Madine mein Aaqa hamein mout aae

Bane kaash! madfan hamara Madina

 

Use sair-e-gulshan say kya ho ta'aluq!

Kiya jis ne Tera Nazaara Madina

 

ZIYA(Rehmatullah Aalaih) Peer-o-Murshid k Sadke mein Aaqa

Ye ATTAR aae dobara Madina

Edited 16 اکتوبر 2008 by Karam Ho Ya Rasool Allah

[Karam Ho Ya Rasool Allah]

 

AY KASH PHIR MADINAY MEIN ATTAR JA SAKE

 

Ay kash! phir Madinay mein ATTAR ja sake

Roo roo kay haal apna Mustafa ko sonaa sake

 

Pechlay barsh to Taiba ko chooma tha jhoom kar

ATTAR kash! Hajj ka sharf phir se paa sake

 

Ya Rab-e-Mustafa ! koi aisa sabab bana

Sae mein mout Gumbad-e-Hazaara kay aa sake

 

Taiba bola wo dil ghamgheen day mujh ko

Dil se na Tera gham koi meray mitaa sake

 

Ghousul Wara(Radi Allah Anhu) ka wasita Ya Rab! wo ankh day

Ishq-e-Nabi mein ji ansoon baha sake

 

Wo aag mere seene mein Aaqa lagaye!

Pather say sakht dil ko bhe jo jala sake

 

Sarkaar ! Char Yaar(Radi Allah Anhuma) ka daita hoon wasita

Aise bahaar doo na hizaan paas aa sake

 

Tum bhe jo chore do gay to kahan jaon ga Shaha ?

Hai kon mujh zaleel ko jo nibhaa sake

 

Doshman agarche ghaat mein hai koi gham nahi

Un ki madad rahe tou bigaar apna kya sake!

 

Chasme Karam ho aise keh mit jae her khataa

Koi gunah mujh se naa shaitaan kara sake

 

Jis waqt Sunatoon ka mein karne lagoon biyaan

Aisa Asar ho paidaa jo dil ki hilaa sake

 

Hai saber tou Hazaanae Firdoos bhaiyo!

Aashiq kay lab pe shiqwaa kabhi naa aa sake

 

ATTAR ko wo sooz day Ya Rab ! Pae Raza(Rehmatullah Aalaih)

Jo k Nabi kay ishq mein sab ko Rolaa sake

 

ATTAR Teray Hame-o-nasir hein Mstafa

Kis ki mijaal hai k tujh ko daba sake?

[Karam Ho Ya Rasool Allah]

 

TOU JAE GA MADINA

 

Nazdeek aa raha hai Ramzaan ka mahina

Sahil say Haazeyoon ka phir aa laga safeena

 

Aaqa na toot jae ye dil ka Abgeena

Ab ki bars bhe Moula! rah jaon mein kahein naa!

 

Dil roo raha hai jin ka Ansoon chilak rhe hein

Un ashiqoon ka sadqa! Bolwaye Madina

 

Hijro Firaaq mein dil betaab ho rahe hein

Oshaaq roo rhe hein loo chal diya Safeena

 

Betaab ho raha hai Taiba ki hazeri ko

Ashiq tarap raha hai or phat raha hai seena

 

Roze ko dekhnay ko Ankhein taras rahe hein

Ay Waleey-e-Madina !Ab tou bolaye naa

 

Nazere Karam Khodara meray seyaah dil per

Dam bhar mein jae ga ban ye Bebaha nageena

 

Rangeene jahaan se dil toot jae mera

Ya Rab ! mujhe bana day ashiq-e-Madina

 

Ansoon na tham rahe hoon dil khoon oogal raha hai

Jis waqt Teray Dar pay aaon Shah-e-Madina

 

Bas Arzoo yahi hai Qadmoon mein jaan niklay

Piyaare Nabi hamara madfan bane Madina

 

Ay bekasoon kay hamdam ! Duniya kay dour hoon gham

Bas jae dil mein Kaabah seena bane Madina

 

Tableegh Sunnatoon ki karta rahoon hamesha

Marna bhe Sunatoon mein hoo Sunnatoon mein jeena

 

ATTAR ki Huzoori ki Aarzo ho poori

Ho jae dour doori Ay Waaliy-e-Madina

 

Un kay Diyaar mein to kaise chale phiree ga?

ATTAR teri joraat ! Tou jae ga Madina.

[Karam Ho Ya Rasool Allah]

ARSH-E-A'ALA SAY A'ALA NABI

KA ROZA

 

 

Arshe Aala say A'ala meethe Nabi ka Roza

Hai her maqaan say baala Meethe Nabi Roza

 

Kaisa hai piyaara piyaara ye Sabz Gumbad

Kitna hai Meetha Meetha Meethay Nabi ka Roza

 

Firdoos ki bolandi bhe choo sake na Is ko

Kholde-e-Bareen say ooncha Meethe Nabi ka Roza

 

Makkhe say is leye bhe afzal howa Madina

Hissay mein is kay aaya Meethe Nabi ka Roza

 

Ka'abe ki Azmatoon ka munkir nahi hoon laiken

Ka'abe ka bhe hai Kabah Meethe Nabi ka Roza

 

Aansoon Chalak pare or betaab ho gia dil

Jis waqt mein ne dikha Meethe Nabi ka Roza

 

Ho gi Shifa'at us ki jis ne Madinay aa kar

Khowaa ik nazar bhe dekha Meethe Nabi ka Roza

 

Badal ghairay howe hwin Barish baras rhe hai

Lagta hai kaisa sohaana Meethe Nabi ka Roza

 

Hijer-o-Firaaq mein jo Ya Rab! yarap rahe hein

Un ko dikha day Moula! Meethe Nabi ka Roza

 

Haser da hazaar aalam ka husen is pe qurbaan

Dono jahan ka dolha Meethe Nabi ka Roza

 

Us aankh per na kyoun mein ATTAR jaoon qurbaan

Jis aankh ne hai daikha Meethe Nabi ka Roza

 

Jis waqt rooh tan say ATTAR ki juda hoo

Ho samne Khudaya Meethe Nabi ka Roza

[Karam Ho Ya Rasool Allah]

Kyun kar na meray dil mein ho Ulfat Rasool

ki

Jannat mein lay kay jaey Ghi Chahat Rasool ki

 

Chalta hoon mein be Qafelay walo ruko zara

Milnay do bus mujhay be Ijazat Rasool ki

Phochay Jo Din-o-Iman Nakerain Qabr mein

Us waqt meray lab pay ho Midhat Rasool ki

 

Tarpa kay Un kay Qadmo mein mujh ko Gira day Shok

Jis waqt ho lahad mein Ziyarat Rasool ki

 

Sarkar nay bula kay Madina dikha dia

Ho ghi mujhay naseeb Safa"at Rasool ki

 

Ya Rab dikha day Aaj ki Shab Jalwaey Habib

Ik bar to Aata ho Ziyarat Rasool ki

 

Damen mein un kay lay lo pannah Aaj munkiro(wahabiyoo)

Mahengi paray ghi warna Adawat Rasool ki

 

To hai Ghulam Un ka Ubad-e-Raza teray

Mahshar mein ho ghi saath Himayat Rasool ki

 

Kyun kar na meray dil mein ho Ulfat Rasool ki

Jannat mein lay kay jaey Ghi Chahat Rasool ki

[Karam Ho Ya Rasool Allah]

Wohi Rab hai jis ne Tujh

ko hama tan Karam banaya

 

Wohi Rab hai jis ne Tujh ko hama tan Karam banaya

Hamein bheek mangne ko Tera aastaan banaya

Tujhe hamd hai Khudaya

Wohi Rab hai jis ne Tujh ko hama tan Karam banaya

 

Tumhein Haqim banaya Tumhein Qasim Aataya

Tumhein Shafe Aataya Tumhein Da'afe balaya

Koi Tum sa kon aaya?

Wohi Rab hai jis ne Tujh ko hama tan Karam banaya

 

Wo kanwaari Pak Maryam wo Naf'ate fiya ka dam

Hai azab Nishaan-e-Aazam magar Aamina ka Jaya

Wohi sab se afzal aaya

Wohi Rab hai jis ne Tujh ko hama tan Karam banaya

Yahi bole sidraa wale chaman-e-Jahaan kay thaale

Sabhi mein ne chan daale Teray pae ka naa paya

Tujhe yaq ne Yaq banaya

Wohi Rab hai jis ne Tujh ko hama tan Karam banaya

 

"Fa Izaa Faraghta Fansab"(Quraanic Ayat) ye mila hai Tujh ko mansab

Jo gada bana choke ab otho waqte bakhshis Aaya

Karo qismat aataya

Wohi Rab hai jis ne Tujh ko hama tan Karam banaya

 

"Wa Ilaa Rabika Farghab",karo arz sab kay matlab

keh Tuhein ko Takte hein sab karo un per Apna saya

Bano Shafeye Khataya

Wohi Rab hai jis ne Tujh ko hama tan Karam banaya

 

Aare Ay Khuda kay bando koi meray dil ko dhondoo

Meray paas tha abhi to abhi to abhi kya howa Khudaya

Na koi gia na Aaya

 

Hamein Ay Raza Teray dil ka pata chala ba mushkil

Dar-e-Rozae muqabil wo hamein nazar tou aaya

Ye na pocha kaisa paya

Wohi Rab hai jis ne Tujh ko hama tan Karam banaya

[Karam Ho Ya Rasool Allah]

TOU

SHAME RISALAAT HAI AALAM TERA PARWANA

 

Tou Shame Risalat hai aalam Tera parwana

Tou mahe Nowowat hai Ay Jalwae Janana

 

Jo Saqeye Kousar k Chehre se Niqaab othe

Her dil bane may khana her ankh ho paymana

 

Sarshaar mujhe kar day ik dam jaame labab se

Ta Hashrrhe Saaqe aabad may khana

 

Her phool mein boo Teri Her shama mein zoo Teri

Bulbul hai Tera Bulbul parwaana hai parwaana

 

Peete hein Teray Dar ka Khate hein Teray Dar ka

Paani hai Tera Paani dana hai Tera dana

 

Sange Dar-e-Janaa per karta hon jabein saai

Sajda na samaj najdi sar daita hoon nazraana

 

Aabaad isay farmaa wiraan hai dil Noori(poet)

Jalwe Teray bas jaein Aabad ho parwaana

[Karam Ho Ya Rasool Allah]

Kyunkar na merey dil main hu Ulfat Rasool ki.

Jan’nat main leke jayegi Chahat Rasool Ki.

 

Chalta houn mian bhi Qafilay walo ruko zara.

Milnay do bus mujhe bhi ijazat Rasool ki.

 

Poochain ju Din o Eman Nakeerain Qabr main.

Us waqt merey lub pe hu Midhat Rasool ki.

 

Tarpa ke unke qadmoun mian mujhko gira de shouq.

Jis waqt hu Lahad main Ziyarat Rasool ki.

 

Sarkar ne bula ke Madina dikha diya.

Hogi mujhe naseeb Shafa’at Rasool Ki.

 

Ya Rub dikha de aaj ki Shab Jalwa-e-Habib.

Ik baar tu ata ho Ziyarat Rasool ki.

 

In ankhoun ka warna koi masraf hi nahee hey.

Sarkar tumhara Rukh-e-Zaiba nazar aaye.

 

Ya Rub dikha de aajki Shab Jalwa-e-Habib.

Ik baar tu ata hu Ziyarat Rasool ki.

 

Tu hey ghulam unka Obaid-e-Raza terey.

Mehshar main hogi saath Himayat Rasool Ki

[Karam Ho Ya Rasool Allah]

Allah ho Allah Ho Allah Ho Allah Ho

 

Qalb Ko Us Ki Royet ki Hey Arzoo

Jis ka Jalwa Hey Alam Hey Har Char Soo

 

Balky Khud Nafs Mey Hey Wo Subhana Ho

Arsh Par Hey Magar Arsh Par Hey Magar Arsh Ko Justajo

 

Allah Ho Allah Ho Allah Ho Allah Ho

 

Arsh O Farsh O Zaman O Dehaq Aey Khuda

Jis Taraf Dekhta Hoon Hey Jalwa Tera

Zary Zary Ki Ankhon Mey Tu He Ziya

Qatry Qatry Ki Tu He Tu Hey Abroo

 

Allah Ho Allah Ho Allah Ho Allah Ho Allah Ho

 

Tu Kise jaan ki Aur Harja Hey Tu

Tu Munaza Muqam Sey Mubala Rasool

 

Ilmo Qudrat Sey Har Jaah He Tu Ku Ba Ku

Tery Jalway Hein Har Har Jaga Aey Haku

 

Allah Hu Allah Hu Allah Hu Allah Hu

 

Naghma San Jany Gulshan Mey Charcha Tera

Jab Chay Zikry Haq Key Hein Subho Masan

 

Apni Apni Chahat Apni Apni Sada

Sab Ka Matlab Hey Wahid Key Wahid Hey Tu

 

Allah Hu Allah Hu Allah Hu Allah Hu

 

Ta Hera Mey Jina Mey Teri Guftagu

Geet Tery He Gaty Hein Wo Khus Gloo

 

Koi Kehta Hey Haq Koi Kehta Hey Hu

Aur Sab Kehty Hein la Sharkala Hu

 

Allah Hu Allah Hu Allah Hu Allah Hu

 

jag Maga Uthy Dil Chera Ho Purziya

Noorion Ki Tarhan Shabn Ho Zikar Hu

 

Allah Hu Allah Hu Allah Hu Allah Hu Allah Hu

Allah Hu Allah Hu Allah Hu Allah Hu Allah

 

[Karam Ho Ya Rasool Allah]

Zahe muqaddar huzur-e-haq se salaam aaya payam aaya

Jhukao nazreen bichao palkeen adab ka aala maqam aaya

 

Yeh kon sar se kafan lapetey chala hai ulfat ke raatey par

Farishtey hairat se tak rahe hain yeh kon zi ehteram aaya

 

Faza mein labbaik ki sadain za farsh ta aarsh goonjhti hain

Har ek qurban ho raha hai zaban pe yeh kis ka naam aaya

 

Yeh rahe-haq hai sambhal ke chalna yahan hai manzil qadam qadam par

Pohanchna dar par to kehna aaqa salaam lijiye ghulam aaya

 

Yeh kehna aaqa bohat se aashiq taraptey se choor aaya hoon mein

Bulawe ke muntazir hai lekin na subah aaya na sham aaya

 

Dua jo nikli thi dil se aakhir palat ke maqbool ho ke aai

Woh jazba jis mein tarap thi sachi woh jazba aakhir ko kaam aaya

 

Khuda tera hafiz-o-nigehban o rahe batha ke jaane wale

Nabi de saad in bisat ban kar payam darood-o-salaam aaya

 

Zahe muqaddar huzur-e-haq se salaam aaya payam aaya

Jhukao nazreen bichao palkeen adab ka aala maqam aaya

[Hanafi Muslima]

[marhaba]

you are doing very goooooood work keep it on

[toqeer]

Ae Sabz Ghumbad Waalay

 

Ae Sabz Ghum'bd Waalay Manzoor Dua Karna

Jab Waqt e naz'a Aaye Deedaar Atta Karna

 

Ae Noor e KHUDA aa kr Aankhoun main sma jaana

ya Darr pe Bula laina, ya Khaab main aa jaana

Ae Pardah Nasheen Dil kay, Pardoun main rha karna

Jab Waqt e Naz'a aaye deedaar atta Karna

 

Chehray say Ziyaa Payi sab Chaand Sitaaroun nai

Is Darr say Shifaa paayi sab Dukh dard k maaroun nai

Aata hai unhain saabir har Dukh ki Dawa karna

jab Waqt e Naz'a Aaye Deedaar atta karna

 

Mehboob e ILAAHI sa koi na Haseen daikha

yeh Shaan hai Un ki k saaya bhi nhi daikha

ALLAH nay saaye kau chaaha na juda Karna

Jab Waqt e Naz'a Aaye deedaar atta Karna

 

Main Qabr Andheri main Ghabraoun ga jab tanha

Imdaad kau Mairi aa janaa Mairay Aaqa

Rauhsan Mairi Turbat kau LILLAH zra karna

Jab Waqt e Naz'a Aaye Deedaar atta Karna

 

Mujrim houn jahaan Bhar ka Meh'shar main bharam rakhna

Ruwaaye zamana houn Dauzakh say bacha laina

Manzoor Dua mairi ae Habeeb e KHUDA karna

jab waqt e Naz'a Aaye Deedaar Atta KArna

 

 

 

*** ALLAH Humma Salli A'laa Sayyidinaa wa Maulanaa Muhamamdim Maadinil Joodi waL Karam wa A'laa Aalihi wa Sahbihi wa Barik wa Sallim...

[Janti Zever]