Nabi-E-Karim ﷺ Ki Bargah-E-Aqdas Me Haziri K Adaab

[Shadab Ashrafi]

⭐ NABI-E-KARIM ﷺ AB ABHI HUMARE DILON K HAAL SE WAQIF HAIN ⭐

 

Imam Ibn Hajar Haithami Shafayi Farmate Hain k...

 

Zayereen k Liye Masnoon Hai k Mowajah Sharif Me Khada Ho To Apni Nazrein Rauzah Sharif Ki Mowajah Sharif Wali Deewar k Samne Zamin Per Rakhe Or Nazron Ko Idhar-Udhar Jhankne Se Rokey

Or Zeb-o-Zeenat Or Dusre Hazraat Se Sarf Nazar Kare Kyun k Yeh Moqaam-e-Haibat-o-Jalal Hai

Duniya k A'alaiq Se Apne Dil Ko Khali Kare

Or Apne Dil Me Is Izzat-o-Jalal Wale Moqaam Ka Khayal Rakhe Or Yeh Soche k Main Kis Jagah Hazir Hoon Or AAP ﷺ Zinda Hain

 

Zayereen Yeh Zehan Nasheen Rakhe k AAP ﷺ Zinda Hain Or Woh Us Ki Taraf Dekh Rahe Hain Or Mukhatib Hain

Or Us k Dil Or Jo Dil Me Hain Us Ko Jante Hain

Or Is Ko Yun Zehan Nasheen Rakhe Jaisa Rakhne Ka Haq Hai

Or Har Duniyawi Ta'luq Tod De Takeh Us k Liye Har Kamal Hasil Ho Sake.

 

➡ IBN HAJAR HAITHAMI SHAFAYI, AL-JAWHAR AL-MOANAZZIM FI ZEYARATI AL-QABRI AL- SHARIF AL-NABAWI AL-MOKARRAM, FASL NO. 7, MASLA NO. 9, SAFA NO. 114.