نامِ''محمد'' کے فضائل

[Najam Mirani]

    ایک حدیث میں ہے ،حضور اکرم صلی اللہ تعالیٰ علیہ وسلم فرماتے ہیں : ''جو میری محبت کی وجہ سے اپنے لڑکے کا نام محمد یا احمد رکھے گا اللہ تعالیٰ باپ اور بیٹے دونوں کو بخشے گا ۔''  (کنز العمال ، کتاب النکاح ،قسم الاقوال ، الحدیث ۴۵۲۱۵،ج۱۶،ص ۱۷۵۔لفظہ ''مَن ولد لہ مولود ذکر فسماہ محمّداً حبّاً لی وتبرکاً باسمی کان ھو و مولودہ فی الجنۃ'')

    ایک روایت میں ہے: ''قیامت کے دن ملائکہ کہیں گے کہ جن کانام محمد یا احمد ہے جنت میں چلے جاؤ ۔''

(فردوس الاخبار دیلمی، باب الیاء، الحدیث ۸۵۱۵،ج۲،ص۵۰۳۔ ملتقطًا)

    ایک روایت میں ہے:'' ملائکہ (یعنی فرشتے)اس گھر کی زیارت کو آتے ہیں جس میں کسی کا نام محمد یا احمد ہے ۔''
    ایک روایت میں ہے:'' جس مشورے میں اِس نام (یعنی محمدنام)کا آدمی شریک ہو اس میں برکت رکھی جاتی ہے ۔''

(کنز العمال ، کتاب النکاح ، قسم الاقوال، الحدیث۴۵۲۱۶،ج۱۶، ص۱۷۵)

    ایک روایت میں ہے :''تمہارا کیا نقصان ہے کہ تمہارے گھروں میں دو یا تین محمد ہوں۔''

( الطبقات الکبرٰی لابن سعد، الحدیث ۶۲۲، ج۵، ص۴۰)